கடையநல்லூர் ஸ்ட்ரீட்

தமிழ்நாட்டின் திருநெல்வேலி மாவட்டத்திலுள்ள கடையநல்லூர் எனும் ஊரிலிருந்து சிங்கப்பூருக்குக் குடியேறிய தமிழ் முஸ்லிம்களைக் கடையநல்லூர் ஸ்ட்ரீட் நினைவுகூர்கிறது. தஞ்சோங் பகார் வட்டாரத்தில், 1920-ஆம் ஆண்டுக்குமுன்பே, கடையநல்லூரைச் சேர்ந்த தமிழ் முஸ்லிம்கள் கணிசமாகக் குடியேறினர். அவர்கள் கடைக்காரர்களாகவும் சில்லறை விற்பனையாளர்களாகவும் இருந்ததோடு அலுவலகப் பணியாளர்களாகவும் வேலை செய்தனர். 

உமறுப் புலவர் தமிழ்ப் பள்ளியினை நிறுவிய அமைப்பு என்னும் முறையில், சிங்கப்பூர் கடையநல்லூர் முஸ்லிம் லீக், சிங்கப்பூர்த் தமிழரிடையே தனி மதிப்பு பெற்றிருக்கின்றது. தமிழ்க்கல்வி வளர்ச்சிக்காகத் தமிழ் முஸ்லிம் சமூகம் ஆற்றிய சேவையைப் பாராட்டும் வகையில், சிங்கப்பூர் மத்திய வர்த்தக வட்டார வீதிகளில் ஒன்றுக்கு 1952-இல், கடையநல்லூர் ஸ்ட்ரீட் என அரசாங்கம் பெயரிட்டது. பிரபல மெக்ஸ்வெல் உணவங்காடி நிலையம் அருகே கடையநல்லூர் ஸ்ட்ரீட் அமைந்துள்ளது.



மேல்விவரங்களுக்கு
செந்தூர், நித்திஷ் மற்றும் புவனேந்திரன், தனலெட்சுமி. (2019, September 29). சாலையும் சரித்திரமும் - கடையநல்லூர் ஸ்ட்ரீட். Mediacorp செய்தி. Accessed on August 1, 2025. https://seithi.mediacorp.sg/singapore/kadayanallur-street-225706 
R Savage, Victor, and S A Yeoh, Brenda. Singapore Street Names - A Study of Toponymics (4th ed.). Singapore: Marshall Cavendish Editions, 2023. (Call no.: RSING 915.9570014 SAV)

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.