தேசிய மரபுடைமைக் கழகம்

தேசிய மரபுடைமைக் கழகம் (தே.ம.க.) 1 ஆகஸ்ட் 1993 அன்று கலாசார, சமூக, இளையர் அமைச்சின்கீழ் தோற்றுவிக்கப்பட்டது. கல்வி, தேச நிர்மாணம், பண்பாட்டுப் புரிந்துணர்வு ஆகியவற்றுக்கு உதவும் பொருட்டுச் சிங்கப்பூரின் பல்லின மரபுடைமைகளைப் பேணுவதும் பாதுகாப்பதும் கழகத்தின் நோக்கம். தேசிய அருங்காட்சியகங்கள், இரண்டாம் உலகப்போர் பற்றிய விளக்க மையங்கள், சமூக மரபுடைமை நிலையங்கள் ஆகியவற்றைக் கழகம் நிர்வகிக்கிறது. மேலும், மரபுடைமைத் தளங்கள், தேசிய நினைவுச் சின்னங்கள், தேசியத் தொகுப்பு தொடர்பான கொள்கைகளைக் கழகம் வகுக்கிறது. தேசியத் தொகுப்பு மூலம், கடந்தகால, நிகழ்கால, எதிர்காலச் சந்ததியினரை இணைக்கும் வகையில் கண்காட்சிகளையும் நிகழ்ச்சிகளையும் கழகம் படைத்து வருகின்றது. 

பண்பாட்டுப் பராமரிப்பில் அரசாங்கத்தின் முக்கிய அமைப்பாக இயங்கிவரும் தே.ம.க., சிங்கப்பூரில் தமிழ் மரபுடைமையைப் பேணுவதிலும் பரப்புவதிலும் குறிப்பிடத்தக்க பங்கு வகிக்கிறது. மே 2015-இல் நிறுவப்பட்ட இந்திய மரபுடைமை நிலையம் அதற்கு ஓர் எடுத்துக்காட்டு. அந்நிலையம், சிங்கப்பூரிலும் தென்கிழக்காசியாவிலும் உள்ள தெற்காசியச் சமூகத்தின் வரலாற்றைக் கண்டறியும் கண்காட்சிகளையும் நிகழ்ச்சிகளையும் நடத்துகிறது. தமிழ் மின்மரபுடைமைக் குழுவும் தேசிய நூலக வாரியமும் இணைந்து முன்னெடுத்த தமிழ் மின்மரபுடைமைத் திட்டத்திற்குத் தே.ம.க. வழங்கிய ஆதரவு மற்றோர் எடுத்துக்காட்டு. சிங்கப்பூர்த் தமிழ்ச் சமூகத்தின் இலக்கியம், நாடகம், இசை, நடனம் ஆகியவற்றை உள்ளடக்கிய நான்கு மின்தொகுப்புகளை அத்திட்டம் உருவாக்கியுள்ளது. இவை அனைத்தையும் நூலக வாரியத்தின் தளத்தில் காணலாம்.

Roots.gov.sg என்னும் மின்தளத்தின் வாயிலாக தே.ம.க. ஏராளமான மரபுடைமை வளங்களை அணுகுவதற்கு வழியமைத்துள்ளது. மின்தளத்தில் தேசியத் தொகுப்பைக் காண்பதோடு, லிட்டில் இந்தியா மரபுடைமைப் பாதைமுதலிய மரபுடைமைப் பாதைகள், தொட்டுணரமுடியாத கலாசார மரபுடைமைக் கூறுகள் ஆகியவற்றையும் பார்க்கலாம். பொதுமக்கள் அவற்றை ஆராய்ந்து, சிங்கப்பூர்த் தமிழ் மக்களின் வரலாற்றையும் வாழ்க்கையையும் குறித்து இன்னும் பல செய்திகளைத் தெரிந்துகொள்ளலாம்.



மேல்விவரங்களுக்கு
“About Us.” National Heritage Board. Accessed on 1 August 2025. https://www.nhb.gov.sg/who-we-are/about-us
“From the Coromandel Coast to the Straits - Revisiting Our Tamil Heritage.” Indian Heritage Centre. Accessed on 1 August 2025. https://www.indianheritage.gov.sg/en/whats-on/exhibitions/from-the-coromandel-coast-to-the-straits---revisiting-our-tamil-heritage
“From the Coromandel Coast to the Straits.” Roots.sg. Accessed on 1 August 2025. https://www.roots.gov.sg/en/stories-landing/stories/From-the-Coromandel-Coast-to-the-Straits
“Roots SG Education Resources.” National Heritage Board. Accessed on 1 August 2025. https://www.nhb.gov.sg/what-we-do/our-work/community-engagement/education/resources/roots-sg 
“Homepage.” Roots.sg. Accessed on 1 August 2025. https://www.roots.gov.sg/
Sankaran, Chitra. “Pay It Forward.” BiblioAsia, Vol. 11, Issue 3, Oct–Dec 2015, 1 October 2015. https://biblioasia.nlb.gov.sg/vol-11/issue-3/oct-dec-2015/payitforward/
“Little India Heritage Trail.” Roots.sg. Accessed on 1 August 2025. https://www.roots.gov.sg/nhb/little-india-heritage-trail

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.