ராஜேந்திரன், எஸ்.

எஸ். ராஜேந்திரன் என்று பரவலாக அறியப்படும் ராஜேந்திரன் சின்னத்தம்பி (1938 - 2024) சிங்கப்பூர் உச்ச நீதிமன்றத்தில் நீதிபதியாகப் பணியாற்றியவர். அவர் இந்து அறக்கட்டளை வாரியத்தின் தலைவராகவும் சேவையாற்றியிருக்கிறார்.

மலேசியாவின் ஜோகூரில் பிறந்த ராஜேந்திரன், 1961-இல் மலாயாப் பல்கலைக்கழகத்தில் சட்டத் துறையில் பட்டம் பெற்றார். அடுத்த ஆண்டு, அரசாங்கத் தலைமைச் சட்ட அலுவலகத்தில் துணை அரசு வழக்கறிஞர் / வழக்குரைஞராக அரசாங்கச் சட்டத் துறையில் தம் தொழில் வாழ்க்கையைத் தொடங்கினார். தொடர்ந்து, 1963-இல் மேஜிஸ்டிரேட் நீதிமன்றத்தில் நீதிபதியாக நியமிக்கப்பட்டார். பின்னர் 1966-இல் மாவட்ட நீதிபதியானார்.

ராஜேந்திரன் 1977-இல் அரசாங்கச் சட்டச் சேவையிலிருந்து விலகி, கட்டார் வோங் & பார்ட்னர்ஸ் நிறுவனத்தில் ஒரு பங்காளியாகச் சேர்ந்தார். அடுத்து, 1990-இல் நீதிமன்ற ஆணையராக அரசாங்கச் சட்டச் சேவைக்குத் திரும்பிய அவர், 1991-இல் உச்ச நீதிமன்ற நீதிபதியாக நியமிக்கப்பட்டு, 2003 வரை அந்தப் பதவியில் இருந்தார். அப்பதவியிலிருந்து ஓய்வுபெற்றதும், 2005-இல் மெசர்ஸ் எஸ் ராஜேந்திரன் என்ற பெயரில் தம் சொந்தச் சட்ட நிறுவனத்தை நிறுவி 2008 வரை அதை நடத்தினார். நிமோனியா காரணமாக 2024-இல் தம் 85-ஆவது வயதில் காலமானார்.

சட்டத் துறைப் பணிக்கு அப்பால், ராஜேந்திரன் 1970 முதல் 1971 வரை சிங்கப்பூர்த் தேசியப் பல்கலைக்கழக சங்கத்தின் தலைவராகப் பணியாற்றினார். சட்டத் துறைப் பணியிலிருந்து ஓய்வு பெற்ற பிறகு, 2005-இல் இந்து அறக்கட்டளை வாரியத்தின் தலைவராக நியமிக்கப்பட்டு 2014 வரை அந்தப் பதவியில் இருந்தார். அவரது சேவையை அங்கீகரிக்கும் விதமாக அவருக்கு 2011-இல் பொதுச் சேவை நட்சத்திர விருது வழங்கப்பட்டது. மேலும் 2011 முதல் ஆறாண்டுகளுக்குச் சமய நல்லிணக்கத்திற்கான அதிபர் மன்றத்தில் ராஜேந்திரன் இந்து சமூகப் பிரதிநிதியாகப் பங்காற்றினார். 



மேல்விவரங்களுக்கு
“Lawyer Rajendran appointed judicial commissioner.” The Straits Times, 17 August 1990, 3. (From Newspaper SG).
Yogitaa Anbuselyan. “Late Justice Brought Fresh Perspectives to HEB.” Tabla!, 21 June 2024. https://www.tamilmurasu.com.sg/tabla/singapore/late-justice-brought-fresh-perspectives-heb.  
“Remembering Justice S. Rajendran: A Legacy of Service.” National University of Singapore Society, 21 June 2024. https://www.nussgraduate.org/2024/06/remembering-justice-s-rajendran-a-legacy-of-service/. 

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.