மாதேவ் மோஹன்

மாதேவ் மோகன் 2016 முதல் 2018 வரை சிங்கப்பூரின் 13-ஆவது நாடாளுமன்றத்தில் நியமன உறுப்பினராகப் பணியாற்றினார். முறைகேடான கணினிப் பயன்பாடு, இணையப் பாதுகாப்புச் சட்டம் 2017-க்கான திருத்தங்கள் உள்ளிட்ட பல நாடாளுமன்ற விவாதங்களில் பங்கேற்று, 'போலி' செய்திகளை எதிர்கொள்ள வழிமுறைகளை முன்மொழிந்தார். இணையப் பாதுகாப்புச் சட்டம் 2018 நிறைவேறியதிலும் அதற்கான ஆலோசனைகளிலும் அவருக்குப் பங்குண்டு.

மாதேவ், சிங்கப்பூர் தேசியப் பல்கலைக்கழகத்தில் சட்டத் துறையில் இளநிலைப் பட்டம் பெற்றார். பட்டப்படிப்பின்போது சிங்கப்பூர் லா ரிவ்யூ ஆய்வேட்டின் துணைத் தலைமை ஆசிரியராகப் பணியாற்றினார். ஃபுல்பிரைட் கல்வி நிதியுதவித் திட்டத்தின்கீழ், 2008 முதல் 2009 வரை, ஸ்டான்ஃபோர்டு சட்டப் பள்ளியில் பயின்று முதுநிலைப் பட்டமும் பெற்றார்.

கடந்த பல ஆண்டுகளில், மாதேவின் தொழில் வாழ்க்கை கூகல், சிங்கப்பூர் நிர்வாகப் பல்கலைக்கழகம், சட்ட அமைச்சு உள்ளிட்ட தனியார் துறை, கல்வித்துறை, அரசாங்கத்துறை ஆகியவற்றில் விரிவடைந்துள்ளது. அவர் தற்போது கே.ஜி.பி. சட்ட நிறுவனத்தில் தொழில்நுட்பம் தொடர்பாகவும் புதுநிறுவனம் தொடர்பாகவும் உள்ள சட்டப் பிரச்சினைகளக் கையாளும் பிரிவின் இணைத் தலைவராகப் பணியாற்றிவருகிறார். பன்னாட்டுத் தொழில்நுட்ப நிறுவனங்களில் பெற்ற அனுபவத்தை அப்பணியில் பயன்படுத்துகிறார்.



மேல்விவரங்களுக்கு
“Mahdev Mohan.” KGP Legal. Accessed on 1 August 2025. https://www.kgplegal.com.sg/mahdev-mohan/ 
“Nominated Member of Parliament.” Wikipedia. Accessed on 1 August 2025. https://en.wikipedia.org/wiki/Nominated_Member_of_Parliament#NMPs 

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.