சிங்கா

உள்ளூர்க் கலைஞர்கள், எழுத்தாளர்களின் படைப்புகளுக்கான அரையாண்டு இலக்கிய இதழான சிங்கா, கலாசார அமைச்சினால் 1980 டிசம்பரில் முதலில் வெளியிடப்பட்டது. ஒரே இதழில் சிங்கப்பூரின் நான்கு அதிகாரத்துவ மொழிகளிலும் - ஆங்கிலம், மாண்டரின், மலாய், தமிழ் – வெளியிடப்பட்ட ஒரு முன்னோடி முயற்சி. மூல இலக்கியப் படைப்புகளோடு மொழிபெயர்க்கப்பட்டப் படைப்புகளும் இவ்விதழில் இடம்பெற்றன.

சிங்கப்பூரின் இலக்கியத்திற்காகவும் கலைகளுக்காகவும் தன்னை அர்ப்பணித்துக்கொண்ட சிங்கா, கவிதைகள் முதல் ஓவியங்கள் வரை அனைத்துவகை உள்ளூர் இலக்கியங்களுக்கும் கலைகளுக்கும் இடமளித்தது. மேலும், அனுபவமிக்க எழுத்தாளர்கள்முதல் புதுவரவுகள் வரை அனைவருக்குமான படைப்பிலக்கியத் தளமாகவும் விளங்கியது. இதழின் தலைமை ஆசிரியர், ஆர்தர் யாப். இதர ஆசிரியர்கள், கிர்பால் சிங், சுங் போ கிம். அருண் மகிழ்நன், அ. முருகையன் ஆகியோர் தமிழ் மொழிக்கான உதவி ஆசிரியர்கள். ஆலோசனைக் குழுவில் எட்வின் தம்பு, வோங் மெங் வூன், மசூரி பின் சாலிக்குன், வை.தி. அரசு ஆகியோர் இடம்பெற்றிருந்தனர். எஸ்ஸோ நிறுவனம் முதல் மூன்று ஆண்டு வெளியீட்டுச் செலவுகளுக்கு அளித்த ஆதரவு இதழுக்குத் தொடக்கக்கால நிலைத்தன்மையை அளித்தது. இதழ் இரண்டரை வெள்ளிக்கு விற்கப்பட்டது.

சில ஆண்டுகளிலேயே சிங்கா பல சோதனைகளை எதிர்கொண்டதால் இதழ்கள் தாமதமாக வந்ததோடு அவற்றின் தாக்கமும் குன்றத்தொடங்கியது. பல்வேறு சவால்களைச் சமாளித்துத் தொடர்ந்து வெளிவந்த சிங்கா, இறுதி இதழை ஜூன் 1990-இல் வெளியிட்டது. இதழ் நிறுத்தப்பட்டதற்கான காரணங்கள் தெரியவில்லை. சிங்கப்பூரின் தேசியப் பண்பாட்டு வளர்ச்சியில் முக்கிய மைல்கற்களில் ஒன்றாகச் சிங்கா கருதப்படுகிறது. 

மேல்விவரங்களுக்கு
"Journal Marks Cultural Progress."The Straits Times. December 20, 1980, 19. (From NewspaperSG) 
"Make the Lion Roar." The Straits Times. July 2, 1983, 6. (From NewspaperSG) 
"Singapore Literature in Any 4 Languages." New Nation. May 22, 1981, 14-15.(From NewspaperSG) 

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.