அரசு துரைசாமி

அரசு துரைசாமி சிங்கப்பூரின் 13-ஆவது நாடாளுமன்றத்தில் 2018 முதல் 2020 வரை நியமன நாடாளுமன்ற உறுப்பினராகப் பணியாற்றினார். தொழிலாளர் இயக்கத்தில் அவரது பரந்த அனுபவம், பங்களிப்பு காரணமாக அந்த இயக்கத்தால் நியமன உறுப்பினராகப் பரிந்துரைக்கப்பட்டார்.

நாடாளுமன்றத்தில், தொழிலாளர் நலனுக்காக, சம்பள உயர்வு, ஓய்வுபெறும் வயதை நீக்குதல், ஊழியர்களுக்கு மறுதிறன் பயிற்சி அளித்தல் உள்ளிட்ட பல தலைப்புகளில் அவர் பேசினார்.

அரசு, ஓங் டெங் சியோங் இன்ஸ்டிடியூட் - யுனிசிம்மில் வேலைநியமன உறவுகளில் பட்டயம் பெற்றுள்ளார். மேலும் அந்தத் துறையில் சிறந்த தொழிற்சங்கவாதிக்கான சியா முய் கோக் விருதும் அவருக்கு வழங்கப்பட்டது. 

அவர் சிங்கப்பூர்த் துறைமுகத் தொழிலாளர் சங்கத்தின் பொதுச் செயலாளராகப் பணியாற்றியதோடு, தேசியத் தொழிற்சங்கக் காங்கிரஸ் (தே.தொ.கா.) மத்தியக் குழுவில் தேர்ந்தெடுக்கப்பட்ட உறுப்பினராக இருந்துவருகிறார். தே.தொ.கா. மன்ற நிர்வாகக் குழுத் துணைத் தலைவராகவும் பணியாற்றுகிறார்.

மேலும், அவர் பொதுப் போக்குவரத்து மன்றத்தில் தொழிலாளர் இயக்கத்தின் பேராளராகவும் எதிர்காலப் பொருளாதார மன்ற வர்த்தக, இணைப்புத் துணைக்குழு உறுப்பினராகவும் உள்ளார். முன்னதாக அவர் தேசியச் சம்பள மன்றத்தில் தொழிலாளர்களின் பேராளராக இருந்தார். உலகளாவிய தொழிலாளர் இயக்கத்திலும் அரசு செயல்படுகிறார். எடுத்துக்காட்டாக, பன்னாட்டுப் போக்குவரத்துக் கூட்டமைப்புக் குழுவில் உறுப்பினராக இருந்துவருகிறார்.

தொழிற்சங்கச் சேவைகளுக்கு அப்பால், அரசு பிஎஸ்ஏ கார்ப்பரேஷனில் உதவிப் பொறியாளராகப் பணிபுரிகிறார்.



மேல்விவரங்களுக்கு
Fawwaz Baktee. “New Labour Nominated Member of Parliament.” National Trades Union Congress, 29 June 2018. https://www.ntuc.org.sg/uportal/news/New-Labour-Nominated-Member-of-Parliament/
“Board of Directors.” NTUC First Campus. Accessed on 1 August 2025. https://www.ntucfirstcampus.com/ar2019/board-of-directors/index.html
“New NTUC Central Committee Elected at NTUC National Delegates’ Conference 2023.” National Trades Union Congress, 23 November 2023. https://www.ntuc.org.sg/uwomenandfamily/news/NEW-NTUC-CENTRAL-COMMITTEE/

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.