ராஜ் ஜோஷ்வா தாமஸ்

ராஜ் ஜோஷ்வா தாமஸ் (1979 -) 2021 முதல் 2025 வரை இரண்டு தவணைக்காலத்திற்கு நாடாளுமன்ற நியமன உறுப்பினராக (NMP) இருந்தார். ஆனால் அவரது இரண்டாவது தவணைக்காலம் முடிவதற்குள் பதவியிலிருந்து விலகி, பிப்ரவரி 2025-இல் மக்கள் செயல் கட்சியில் சேர்ந்தார்.

செயிண்ட் ஜோசப் பள்ளியின் முன்னாள் மாணவரான ராஜ், சிங்கப்பூர் தேசியப் பல்கலைக்கழகத்தில் சட்டத்திலும் அரசியல் அறிவியலிலும் இளநிலைப் பட்டங்கள் (சிறப்புத்தகுதி) பெற்றார்.

அவர் ஜூலை 2023-இல் நாடாளுமன்ற நியமன உறுப்பினராக மீண்டும் நியமிக்கப்பட்டார். ஆனால் அவரது தவணைக்காலம் நிறைவுபெறுவதற்குச் சில மாதங்கள் முன்னதாகவே பிப்ரவரி 2025-இல் பதவியிலிருந்து விலகினார். நாடாளுமன்றத்தில் பணியாற்றியபோது, குறைந்த ஊதியம் பெறும் ஊழியர்களின் பிரச்சினைகள், சிங்கப்பூரர்களுக்கு நியாயமான வேலை வாய்ப்புகள், இன, சமய நல்லிணக்கம் ஆகியவை தொடர்பான விவகாரங்கள் குறித்து அவர் பேசினார்.

சிங்கப்பூரில் பாதுகாப்புத் துறையைப் பிரதிநிதிக்கும் வர்த்தக அமைப்பான சிங்கப்பூர்ப் பாதுகாப்புச் சங்கத்தின் தலைவராகவும் ராஜ் இருந்தார். சங்கத்தின் தலைவராக 2017-இல் தேர்ந்தெடுக்கப்பட்ட அவர் 2025 பிப்ரவரி வரை எட்டு ஆண்டுகள் அப்பொறுப்பில் நீடித்தார்.

அவர் தற்போது டாங் தாமஸ் எல்.எல்.சி. சட்ட நிறுவனத்தின் நிர்வாகியாகப் பொறுப்பேற்றுள்ளார். குற்றவியல், வணிக வழக்குகள், தீர்ப்பாய விவகாரங்கள், வேலைவாய்ப்புச் சட்ட ஆலோசனை உள்ளிட்ட துறைகளை அவர் மேற்பார்வையிடுகிறார். சட்டக் கழகத்தின் குற்றவியல் சட்ட உதவித் திட்டத்தின்கீழ் இலவச சேவை வழங்கும் வழக்கறிஞராகவும் அவர் பணியாற்றுகிறார்.

சட்டத்தொழிலுக்கு அப்பால், ராஜ் பணியிடப் பாதுகாப்பு, சுகாதார மன்றத்தில் உறுப்பினராகவும் சிங்கப்பூர் ஊழியரணி அமைப்பின் நிர்வாகக் குழு உறுப்பினராகவும் பணியாற்றுகிறார்.



மேல்விவரங்களுக்கு
“Nominated MPs Raj Joshua Thomas and Syed Harun Alhabsyi resign, fuelling talk of a GE2025 run.” CNA, 14 February 2025. https://www.channelnewsasia.com/singapore/nmp-raj-joshua-thomas-syed-harun-alhabsyi-resign-ge2025-4938691.
“Raj Joshua Thomas.” LinkedIn. Accessed 1 August 2025. https://www.linkedin.com/in/raj-joshua-thomas-838795142/.
“Joshua Thomas.” Tang Thomas LLC. Accessed 1 August 2025. https://www.tangthomas.com/joshua-thomas.
“Mr Raj Joshua Thomas.” Tripartite Alliance Limited. Accessed 1 August 2025. https://www.tal.sg/wshc/-/media/tal/wshc/about-us/board-of-directors-files/joshua-thomas-feb-2024.ashx.
Chia, Osmond. “GE2025: Ex-NMP Raj Joshua Thomas not running for election, was earlier expected to be fielded by PAP.” The Straits Times, 17 April 2025. https://str.sg/oaGqd.

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.