தொண்டன்

கலை, இலக்கிய இதழான தொண்டன் ஜனவரி 1964 முதல் மாதமிருமுறை வெளிவந்தது. இதழின் ஆசிரியரும் வெளியீட்டாளருமாகச் செயல்பட்டவர் மா. இளங்கண்ணன். தலையங்கம், கட்டுரை, கவிதை, இலக்கிய நயம், கலையரங்கம், பொன்மொழிகள், வினா-விடை முதலிய தலைப்புகளில் 24 பக்கங்களில் வெளியிடப்பட்ட இதழின் விலை 25 காசு. இதழ், 69-19, தோங் பீ ரோடு முகவரியிலிருந்து வெளிவந்தது.

வார இதழாக வெளியிட விரும்பினாலும் அச்சக நெருக்கடிகளால் மாதமிருமுறை இதழாக வெளிவரும் என முதல் இதழின் தலையங்கம் குறிப்பிட்டது. ஆயினும் இரண்டே இதழ்களுடன் தொண்டன் நின்றுபோனது. கவிஞர் பரணனுடன் இணைந்து இதழைத் தொடங்கியதாகவும் ‘சிரமங்களுக்கு’ உள்ளானதால் இரண்டு இதழ்களுக்குமேல் தொடரவியலவில்லை என்றும் இளங்கண்ணன் 1982-இல் வெளியான நேர்காணல் ஒன்றில் குறிப்பிட்டுள்ளார்.



மேல்விவரங்களுக்கு
திருமுருகானந்தம், கோட்டி. சிங்கப்பூர் இதழியல் வரலாறு. சென்னை: பாஸ் ஃபவுண்டேஷன், 2019
Speeden, Muriel. "Winner in His Own Write." The Straits Times, 20 October 1982, 1. (From NewspaperSG)

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.