தனலெட்சுமி, கே.

கே. தனலெட்சுமி (பி.1966) தேசியத் தொழிற்சங்கக் காங்கிரஸின் (தே.தொ.கா.) தலைவர் பதவியை எட்டிய முதல் தமிழ்ப் பெண் என்னும் பெருமை பெற்றவர். சிங்கப்பூரின் 13ஆவது நாடாளுமன்றத்தில் 2016 முதல் 2018 வரை நியமன நாடாளுமன்ற உறுப்பினராக இருந்தவர். 

அவர், பிரிட்டனின் பிராட்ஃபர்ட் பல்கலைக்கழகத்தில் அறிவியல் இளநிலை (சிறப்புத்தகுதி) பட்டமும், ஆஸ்திரேலியாவின் சிட்னி பல்கலைக்கழகத்தில் சுகாதார அறிவியல் நிர்வாகத் துறையில் முதுநிலைப் பட்டமும் பெற்றுள்ளார். மேலும் சில பட்டயங்களையும் பெற்றுள்ளார். இருபது ஆண்டுகளுக்கும் மேலாகப் பொதுச் சுகாதாரத் துறையில் சேவையாற்றிவருகிறார். 

தனலெட்சுமி தமது தொழில் வாழ்க்கைக்கு அப்பால், தொழிற்சங்கப் பணிகளில் தீவிரமாக ஈடுபட்டு, பல தலைமைப் பதவிகளை வகித்துவருகிறார். சுகாதாரப் பராமரிப்புச் சேவை ஊழியர் சங்கத்தை உருவாக்க உதவிய அவர், அதன் தலைவராகவும் தேர்ந்தெடுக்கப்பட்டார். அவர் தே.தொ.கா.வின் மத்திய குழுவிற்கு முதன்முதலில் 2015-இல் தேர்ந்தெடுக்கப்பட்டார். அடுத்து, 2019-இல் அதன் துணைத் தலைவர்களுள் ஒருவரானார். அவர் தே.தொ.கா.வின் மகளிர் குழு, நலத்துறைக் குழு, உறுப்பினர் குழு ஆகியவற்றின் தலைவராகவும் பணியாற்றினார். தொழிற்சங்க இயக்கத்தில் அவருக்கிருந்த ஆழ்ந்த ஈடுபாடு அவரை நியமன நாடாளுமன்ற உறுப்பினராகத் தேர்ந்தெடுப்பதற்கு வழிவகுத்தது. நாடாளுமன்றத்தில், அவர் ஊழியரணியில் பெண்கள் பங்கேற்பு, பாலின சமத்துவம் பற்றியும் தொழிலாளர் தொடர்பான வேறு சில பிரச்சினைகள் பற்றியும் வாதிட்டார். 

மெடிஷீல்ட் லைஃப் மன்றம், மக்கள் கழக நிர்வாகக் குழு, நியாயமான வேலை நடைமுறைகள், பணியிட ஒருங்கிணைப்பு ஆகியவற்றை ஊக்குவிக்கும் முத்தரப்புக் குழு என முக்கியமான மன்றங்களிலும் வாரியங்களிலும் அங்கம் வகித்து அவர் பொதுச் சேவையாற்றுகிறார். 

தனலெட்சுமி சுகாதாரத் துறைக்கும் தொழிலாளர் இயக்கத்திற்கும் ஆற்றிய சேவைகளுக்காக 2002-இல் தேசிய தினச் செயல்திறன் விருதும் 2006-இல் தே.தொ.கா. தொழிலாளர் தோழர் விருதும் அளிக்கப்பட்டன.



மேல்விவரங்களுக்கு
“K. Thanaletchimi”, WIkipedia. Accessed on 1 August 2025. https://en.wikipedia.org/wiki/K._Thanaletchimi 
“K. Thanaletchimi is Labour Movement’s Latest NMP,” National Trade Union Congress (NTUC), 18 March 2016. https://www.ntuc.org.sg/uportal/news/K-Thanaletchimi-is-Labour-Movements-latest-NMP/ 
“Veteran Healthcare Union Leader K Thanaletchimi Elected NTUC President,” CNA, 23 November 2023. https://www.channelnewsasia.com/singapore/ntuc-labour-movement-veteran-healthcare-union-leader-k-thanaletchimi-elected-president-3941956 

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.