அதிபதி அனைத்துலக நாடக நிறுவனம்

அதிபதி அனைத்துலக நாடக நிறுவனம் அரங்கேற்றிய கவசம், சிங்கப்பூரின் ஆக நீண்ட நாடகம் (28 மணி 20 நிமிடங்கள்) என்னும் சாதனையைப் படைத்திருக்கிறது. நிறுவனம் 2013-இல் தொடங்கிய திசைவேகம் என்னும் தமிழ் நாடக விழா, சிங்கப்பூரில் நீண்ட காலமாக நடைபெற்றுவரும் தமிழ் நாடக விழாவாகத் திகழ்கிறது. அதிபதி, உயர்தரத் தமிழ் நாடகங்களை அரங்கேற்றும் நோக்கத்துடனும் நாடகம் பயில்வதில் ஆர்வமுள்ளவர்களுக்கு முறையான பயிற்சித் திட்டத்தை வழங்கவேண்டும் என்னும் குறிக்கோளுடனும் 2013-இல் ஒரு லாப நோக்கற்ற அமைப்பாகத் தொடங்கப்பட்டது. அதிபதி குழுவை உருவாக்கி நடத்திவருபவர் புகழேந்தி. குழு 50-க்கும் மேற்பட்ட  மேடை நாடகங்களைப் படைத்துள்ளது. பாரம்பரிய நாடகங்களை நவீனப்படுத்தவேண்டும் என்பதிலும் புதிய நாடகங்கள் இந்தத் தலைமுறையின் கலை ரசனைக்கு ஏற்ப அமையவேண்டும் என்பதிலும் குழு உறுதியாக உள்ளது.  

மேலும், அதிபதி இந்திய நற்பணிப் பேரவையுடன் இணைந்து சமூக மன்றங்கள் வழியாகத் தமிழ் நாடகங்களை மக்களுக்கு நேரடியாகக் கொண்டுசெல்கிறது. தமிழ் நாடகங்களில் பயிற்சிபெற விரும்பும் பள்ளி மாணவர்கள், புதிய கலைஞர்கள், நிகழ்ச்சிகளை நடத்த விரும்பும் இளைஞர்கள்மீது அதிபதி தனிக் கவனம் செலுத்துகிறது. அவர்கள் சிறந்து செயல்படப் பல புதுமையான பயிற்சித் திட்டங்களை உருவாக்கியுள்ளது. அதிபதி, வளர்தமிழ் இயக்கத்தின் ஆதரவோடு, விண்மீன்கள் என்னும் திட்டத்தின் வழியாக 300-க்கும் மேற்பட்ட புதிய நடிகர்களை, நாடக ஆசிரியர்களை, இயக்குநர்களை உருவாக்கியுள்ளதாகக் கூறுகிறது. மேலும், ஒவ்வொரு ஞாயிற்றுக்கிழமையும் சமூகத் தொண்டாக இலவசத் தமிழ் நாடகப் பயிற்சிப் பட்டறைகளை நடத்திவருகிறது.  

மேல் விவரங்களுக்கு
Athipathi International Theatre. Accessed 1 August 2025. https://www.athipathi.com

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.