சிங்கப்பூர்த் தமிழிசை மின்தொகுப்பு

சிங்கப்பூர்த் தமிழிசை மின்தொகுப்பு, சிங்கப்பூர்த் தமிழ்ப் பண்பாட்டின் முக்கியக் கூறுகளை மின்தொகுப்புகளாக ஆவணப்படுத்தத் தேசிய நூலக வாரியத்துடன் இணைந்து தமிழ் மின்மரபுடைமைக் குழு மேற்கொண்ட திட்டங்களின் வரிசையில் மூன்றாவது. இத்தொகுப்பு 10 நவம்பர் 2018 அன்று வெளியிடப்பட்டது. இதேபோன்று தமிழ் இலக்கிய, தமிழ் நாடக மின்தொகுப்புகள் முறையே 2015-இலும் 2017-இலும் வெளியிடப்பட்டன.

இந்தியச் செவ்விசை, குறிப்பாகக் கர்நாடகத் தமிழிசை, சிங்கப்பூரின் பாரம்பரிய நடனத்திலும் இசையிலும் முக்கியக் கூறாகப் பல்லாண்டுகளாக இருந்துவந்துள்ளது. இருப்பினும், அந்த நீண்ட இசைப் பயணம் முறையாக ஆவணப்படுத்தப்படவில்லை. சிங்கப்பூரில் தமிழ் நுண்கலைகளுள் இலக்கியம், நடனம், நாடகம் ஆகியவற்றைவிட இசைக்கலை பின்தங்கியிருந்தாலும், அது தொடர்ந்து சிங்கப்பூரின் கலையுலகில் கணிசமான பங்கு வகிக்கிறது. இந்த மின்தொகுப்பு, சிங்கப்பூரில் தமிழ் இசை பற்றிய கடந்தகாலப் பதிவுகளையும் தகவல்களையும் ஆவணப்படுத்த முனைந்தது.

தொழில்முறைச் செவ்விசைப் பாடகி சுஷ்மா சோமா தலைமையில் அந்தத் திட்டம் செயல்படுத்தப்பட்டு ஏனைய மின்தொகுப்புகளுடன் இணைக்கப்பட்டது. அது வளரும் பாடகர்களுக்கு ஒரு வளமான கருவூலமாகப் பயன்படும். அத்துடன், அவர்கள் தங்கள் புத்தாக்க எண்ணங்களையும் பயிற்சிமுறைகளையும் இசை உலகினருடன் பரிமாறிக்கொள்ள ஏற்ற தளமாகவும் திகழும். 



To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.