ஞானசூரியன்

சிங்கப்பூரின் ஆக மூத்த தமிழ் வார இதழாகக் கருதப்படும் ஞானசூரியன் 1882-ஆம் ஆண்டில் தொடங்கப்பட்டது. உள்ளூர், இந்திய, உலகச் செய்திகளை வெளியிட்டதுடன், 19-ஆம் நூற்றாண்டின் இறுதியிலேயே, குழந்தைத் திருமணத்தை விமர்சித்தல், விதவை மறுமணத்தை ஆதரித்தல் உள்ளிட்ட சமூக அக்கறைகொண்ட கட்டுரைகளையும் வெளியிட்டது.

சிங்கப்பூர்க் கலாவிருத்தி சங்கம் வெளியிட்ட இவ்வார இதழின் ஆசிரியர் சி.கு. மகுதூம் சாயபு. அவருக்குச் சொந்தமான தீனோதய வேந்திரசாலையில் அச்சிடப்பட்டு, திங்கட்கிழமைதோறும் நான்கு பக்க அளவில் வெளிவந்தது. சமாசாரத் திரட்டு, மார்கட் சரக்கு விலை, இந்தியச் செய்திகள், உள்ளிட்ட பல அம்சங்களுடன் கடிதங்கள், கட்டுரைகளையும் வெளியிட்டது. இவ்விதழ் நின்றுபோன காலம் குறித்த தகவல் கிடைக்கவில்லை.



மேல்விவரங்களுக்கு
திருமுருகானந்தம், கோட்டி. சி. கு. மகுதூம் சாயபுவும் சிங்கை நேசனும் -ஓர் ஆய்வு. சென்னை : சமூக வளர்ச்சி மற்றும் ஆராய்ச்சி நிறுவனம், 2015. (Call no.: RSING 079.5957 THI)
திருமுருகானந்தம், கோட்டி. சிங்கப்பூர் இதழியல் வரலாறு. சென்னை: பாஸ் ஃபவுண்டேஷன், 2019
சாமி, அ. மா., 19-ஆம் நூற்றாண்டுத் தமிழ் இதழ்கள். சென்னை: நவமணி பதிப்பகம், 1993. (Call no. RSING Tamil 079.54 SAM)
Seetha Lakshmi. The contribution of the mass media to the teaching and learning of Tamil language in Singapore schools. In K. Ramiah & Seetha Lakshmi (Eds.), The role of mass media in teaching and learning of Tamil language in Singapore schools: Proceedings (pp. 42–61). Singapore: National Institute of Education, 2002. (Call no. RSING Tamil 302.23095957 SEE)

To read in English

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.