பென்கூலன் பள்ளிவாசல்

பென்கூலன் பள்ளிவாசல் முதன்முதலில் 1824-ஆம் ஆண்டில் பென்கூலன் ஸ்ட்ரீட்டில்  ஒரு சிறிய, கூரைக்கட்டடமாக உருவானது. பின்னர் 1845-இல் அக்காலத்தில் வசதிமிக்க வணிகரான சையத் உமர் பின் அல்ஜுனிட் என்பாரின் ஆதரவில் முற்றிலும் புதுப்பிக்கப்பட்டது.

சுமத்திராவின் மேற்குக் கடற்கரையில் “பெங்குலு” என்று புழங்கப்பட்ட சொல்,ஆங்கிலேயர்களால் 1685-ஆம் ஆண்டு முதல் "பென்கூலன்" என்று அழைக்கப்பட்டது. பின்னர்,1819-இல் ஸ்டாம்ஃபோர்ட் ராஃபிள்ஸ் சிங்கப்பூருக்கு வந்தபோது, ஏராளமான பென்கூலன் மலாய்க்காரர்கள் அவரைப் பின்தொடர்ந்து,இன்றைய பென்கூலன் ஸ்ட்ரீட் அருகே குடியேறினர். சுமத்ராவின் பென்கூலனில் ராஃபிள்ஸ் லெப்டினன்ட் ஜெனரலாகப் பதவி வகித்ததை நினைவுகூரும் வகையில்,அந்தத் தெருவுக்கு அந்தப் பகுதியின் பெயர் சூட்டப்பட்டது. அதைத் தொடர்ந்து, பென்கூலன் முஸ்லிம்கள் சிங்கப்பூர் மண்ணில் தங்கள் முதல் மசூதியைக் கட்டினர். 

காலப்போக்கில், அந்தப் பள்ளிவாசல் சிங்கப்பூரில் இஸ்லாமியக் கல்விக்கான ஒரு முக்கிய மையமாக மாறியது; மலாய், தமிழ் முஸ்லிம் சமூகங்களுக்கு ஆன்மீக வழிகாட்டுதலை மேற்கொண்டது. தமிழில் தொழுகையும் போதனைகளும் தொடர்ந்து நடத்தப்படுகின்றன.

மசூதியின் பல மறுசீரமைப்புத் திட்டங்களில்,2002-ஆம் ஆண்டுத் திட்டம், சுகுக் எனப்படும் இஸ்லாமியப் பத்திரங்களை வெளியிடுவதற்கு வழியமைத்தது. அப்பத்திரங்களின்மூலம் பெற்ற மூலதனத்தைக் கொண்டு சிங்கப்பூர் இஸ்லாமியச் சமய மன்றம் மசூதியை விரிவுபடுத்துவதற்கு அத்திட்டம் உதவியது. அத்தகைய பத்திர வெளியீடு சிங்கப்பூரில் அதுவே முதல் முறை. அடுத்து, 2024-இல்மசூதிமீண்டும் விரிவுபடுத்தப்பட்டது. தொடக்கத்தில், மிகச்சிலரே வழிபடும் இடமாக இருந்த பென்கூலன் பள்ளிவாசல் தற்போது சுமார் 1,200 பேர்  வழிபடக்கூடியதளமாக வளர்ந்துள்ளது. 



மேல்விவரங்களுக்கு
“Bencoolen Development.” Warees Investments. https://warees.sg/projects-item/bencoolen/
“Our Recent Videos.” Masjid Bencoolen. https://www.masjidbencoolen.sg
“Masjid Bencoolen.” Wikipedia. Accessed 4 June 2025. https://en.wikipedia.org/wiki/Masjid_Bencoolen
“Bencoolen Mosque.” Learn Islam. https://learnislam.sg/mosque/bencoolen-mosque/ 

To read in English     

முகப்புப் பக்கத்திற்குச் செல்ல

கலைக்களஞ்சியத்தைப் பற்றி

The information in this article is valid as of August 2025 and correct as far as we are able to ascertain from our sources. It is not intended to be an exhaustive or complete history of the subject. If you have any feedback on this article, please submit here.